Við bjóðum góðann dag héðann af hafinu.
Vil byrja á því að óska honum föður mínum til hamingju með daginn, kappinn er orðinn 43ára, á ég
kannski að sleppa því að nefna að hann sé orðinn svona gamall???? NeiNei látum það bara flakka, En
til hamingju með daginn pabbi minn. Hann er víst orðinn fastagestur hér á þessari síðu, hélt því
meira að segja fram að það væri ekki frambærilegt að vera loðinn á afturendanum, en ég er á öðru
máli og er ég nokkuð viss um að hann Árni Þór Ármannsson sé mér hjartanlega sammála.
Matseðillinn í dag er í styttra lagi, þar sem mér tókst að sofa yfir mig í hádeginu og náði ekki að
fara upp og næra mig, en til allrar hamingju átti ég gos og maltesers í klefanum og skóflaði því í
mig, meðann ég var að því þá flaug mér í hug nokkuð sem gæti verið áhugavert að prófa og það er að
éta þetta eins og coco puffs, semsagt setja maltesers í skál og hella gosi yfir, þetta er nokkuð
freystandi, það eina sem ég hef áhyggjur af er að maltesersið flýtur nokkuð auðveldlega, veit það
fyrir víst því ég hef athugað það, og kemst þess vegna lítið magn af því í skálina í einu, en ég
læt ykkur vita hvernig þetta fer ef ég prófa þetta.
En annars er það að frétta héðann frá Baldvini Njálsyni að við erum búnir að vera að fiska nokkuð
vel af karfa, sem úthefst á latínu sem SEBASTES MARINUS og á ensku einfaldlega REDFISH, þannig að
það er búið að vera stanslaus vinnsla seinustu daga og veðrið leikur við okkur þessa stundina sem
betur fer. En það sem er það versta við karfavinnsluna er það að maður á það til að stinga sig á
göddunum á kvikindinu og afrekaði ég það í nótt að stinga mig á einum slíkum, er það reyndar
nokkurn veginn daglegt brauð en í þetta skiptið stakk ég mig á tánni, núna velta sumir eflaust
fyrir sér hvernig ég fór að því, þannig er mál með vexti að ég var að reyna að ná gommu af karfa
niður úr einu kari og ákvað að sparka bara í kvikindin, en það reyndist ekki vera mjög gáfuleg
ákvörðun vegna fyrr greindra afleiðinga.
Svo verð ég að segja ykkur frá einu skemmtilegu atviki, það er einn gaur hér um borð sem er frá
siglufirði og kýs að kalla sig Daði, en ég er samt ekki alveg viss um að það sé hans rétta nafn,
grunar að hann sé einnig útsendari frá ráðuneytinu og komi fram undir dulnefni, en hann og annar
náungi að nafni Siggi Bess eins og ég kýs að kalla hann voru að gera að nokkuð myndalegri lúðu
(fyrir þá sem ekki vita þá felst verknaðurinn að gera að í því að taka innyflin úr fiskinum) og
þegar þeir taka hjartað úr lúðunni þá slær það ennþá og þá spyr Daði, Sigga að því hvað hann fær ef
hann bítur stykki úr hjartanu, Siggi bíður 10strik í sjoppunni og haldiði að drengurinn hafi bara
ekki tekið líka þennann myndarlega bita úr hjartanu og tuggði af hjartanslist (góð tenging), og var
með blóð á öllu andlitinu og aftur að eyrnasnepplum, þannig að það er nokkuð ljóst að mönnum dettur
ýmislegt í hug hér um borð.
En nú er nóg komið í bili og mál að skella sér í sturtu og skola af sér hreystrið og slorið eftir
daginn.
                                  Kveðja Einar Pé

Sælir kæru lesendur.
Eftir því sem ég kemst næst þá er þriðjudagur í dag, reyndar var eitthver reikistefna hér um borð
áðann hvaða dagur er, alveg kostulegt það er rétt búin rúm vika af túrnum og menn vita varla hvað
þeir heita hvað þá hvaða dagur er.
Þá eru það fréttir af matseldinni fyrir þá sem vilja fylgjast með því. Þegar ég vaknaði á hádegi þá
var boðið uppá hakk og spaghetti, bragðaðist það svo sem þokkalega, en ég þoli ekki þegar það þarf
alltaf að troða eitthverju grænmeti í allann mat, alveg óþolandi (Bjössi kokkur ef þú sérð þetta þá
hef ég ekkert útá þig að setja, en mátt samt alveg sleppa þessu grænfóðri stöku sinnum) nartaði
aðeins í þetta en ákvað síðann að kjósa frekar gosdrykk og princepolo og það klikkar ekki frekar en
fyrridaginn, og nú fyrir rúmum 23mínutum þá var ég endavið að skófla í mig steiktum skötusel og var
það hörkumáltíð skal ég segja ykkur og hvet ég alla sem hafa ekki smakkað skötusel að gera það hið
snarasta því þarna er á ferðinni einn besti matfiskur sem maður getur hugsað sér.
Núna ætla ég að snúa mér að því að svara þessum commentum aðeins. Fólk er greinilega alveg að
misskilja afhverju ég missti næstum af bátnum, þetta var allt skipulagt af ráðuneytinu, ég er í
mjög svo leynilegu verkefni að athuga viðhorf yfirmanna til undirmanna sem eiga það til að taka
misgáfaðar ákvarðanir, þannig að þetta er allt skipulagt sjáiði til. Á að skila af mér skýrslu
þegar ég kem í land en það er nú samt ekkert á næstunni.
En þar sem feita fjörið virðist vera tíður gestur á þessari síðu þá flaug mér í huga staka, og
hljómar hún eitthvað á þennan veg.

Sumum finnst það alveg kjörið
að láta feita fjörið
éta smjörið
er hann kemst í ölið.

Ekki taka þetta nærri þér Palli minn, maður á það bara til að láta hugann reika soldið hérna um
borð og detta ýmislegt í hug.
En núna á næstu dögum fara að hefjast æfingar hér um borð fyrir fótboltamótið á sjómannadaginn sem
er á næsta leiti eða svo, menn taka þetta mót mjög svo alvarlega og kemur ekkert annað en sigur til
greina, og að sjálfsögðu er ég tittlaður sem sterkasti maðurinn í liðinu, hef verið að segja þessum
mönnum ýmsar sögur af mínum knattspyrnuferli og að sjálfsögðu fegrar maður hlutina örlítið en samt
ekkert mikið, en ég er samt staðráðinn í því að standa undirnafni, meina það er ekki hver sem er
sem hefur skorað mark í leik um 3sætið á Esso mótinu á akureyri, ég á eftir að lifa mikið á því
afreki skal ég segja ykkur. En eins og sönnum sjómönnum sæmir þá verður auðvitað ekki notað vatn
til að svala þorsta leikmanna heldur verður boðið uppá dýrindis mjöður og við það aukast líkur
mínar á því að standa mig vel, því að maður verður jú ansi hugmyndaríkur við þær aðstæður og gæti
átt það til að tækla einn eða tvo mótherja en það kemur allt saman í ljós. En þessu tengt þá vantar
okkur sjúkraliða fyrir mótið því að sumir liðsmenn eru aðeins komnir yfir sín sokkabandsár en eiga
það til að gleyma því stundum. Ef það vill svo skemmtilega til að eitthver í þessari stétt les
þetta þá má hann endilega skrifa eina línu eða svo ef viðkomandi er til í að liðsinna okkur.
En nú er verið að hífa trollið og ætla ég að ná myndum af því til að sýna ykkur landkröbbum hvernig
þetta gegnur fyrir sig.
                                              Kveðja Einar Pé

Jæja sælir kæru lesendur, við mátarnir Einar Pé og Jón Ingibjörn ætlum okkur að stofna þessa síðu til þess að skemmta fólki með sögum sem að gerast um borð á Baldvini Njálssyni, sem að er togarinn sem Einar er á og ég Jón er vonandi að komast á.. Ætlum við að blogga frá Baldvini og senda inn hérna á síðuna á meðan að við erum á hafi úti... En fyrsta bloggið kemur nú frá Einari sem að er núna í túr á Baldvini í hauga brælu og fínheit..



Jæja góðir hálsar núna er sko dagur mikillar gleði hér um borð, þannig er nú mál með vexti að í
dag laugardag er fyrsti í beikon, og eru það uppáhaldsdagarnir hjá mér hér um borð og reyndar
fleirri áhafnarmeðlimum, en það er alltaf eitthver galli á gjöfum jarðar, jújú og þannig er það
líka í þetta skiptið. Eins og kunnugt er þá er ég staddur á mesta brælu skipi flotans, svo virðist
sem við eltum uppi þau veiðisvæði þar sem veðrið er hvað verst hverju sinni, og veðrið er það slæmt
nuna að minn ástsæli kokkur treystir sér ekki til að steikja frannskar í þessum veltingi og skil ég
hann reyndar mæti vel þar sem djúpsteikingarfeiti á flísum er ekki uppá marga fiska og hefur oft
verið haldin keppni í listdansi á djúpsteikingarfeiti á flísum hér um borð og yfirleitt fara þeir
með sigur af hólmi sem eru vel í holdum óg orsakast það af því að þeir fljúga strax á hausinn og
veltast um á gólfinu eins og beljur á svelli og lítur það út eins og að þeir séu að framkvæma hinn
undurfagra breakdans semsagt snákinn og fleirri góð trix og eru þeir búnir að uppgötva nýja
hreyfingu sem ég kýs að kalla blöðruselinn en nóg af þessari steikingarfeiti. Ég náði nú samt að
bjarga máltíðinni með vænni slummu af kokteilsósu og bragðaðist það bara nokkuð vel, líka gott að
fá svona "hollann" og "næringarríkann" mat rétt fyrir svefninn, annars er það að frétta af mér
sjálfum að ég er kominn vel á veg að ná að skoða allt nýja 18+ efnið hér um borð og eru það hvorki
meira né minna en 54gb sem ég tel nú vera slatta, einnig hefur mér tekist að horfa á 3bíómyndir og
að sofna í sófanum sem er það ljúfasta sem getur hent mann hér um borð. Núna hugsa líklega flestir
með sér, hva er ekkert að gera á þessum dalli, jú það er nóg að gera en í svona brælum er það
erfiðasta sem maður gerir er það að reyna að sofna í kojunni sinni því að maður veit aldrei hvenar
dallurinn ákveður að taka eina af sínum góðu dýfum og kasti manni úr kojunni og tala ég af reynslu
þegar ég segi að það er ekki huggulegt að lenda á gólfinu úr kojunni hvað þá úr efri koju, ég flaug
úr neðri koju og var ég nokkuð laskaður á afturendanum en samt tel ég að rassahárin hafi náð að
draga aðeins úr fallinu en það er bara ágiskun hjá mér. En núna set ég það í hendur á mínum sérlega
aðstoðarmanni í landi að koma þessu á veraldarvefinn og koma síðunni af stað sem á eftir að
tröllríða eitthverju datt ekkert í hug.
En þangað til næst skipti.
                      
                      Einar Pétur.